الشاعراحمدالصانع

[Romantic girl]

الشاعراحمدالصانع

السـلام عليـكم ..~ نبدأإ بالبطـأإقـه الشخصيـه للشـاعر ..~ الاسـم / أحـمد محمد الصـانع .. الحاله الاجتمـاعيه / متـزوج وأب لـ 3 بنـات ..~ الهويـأت/ ركـوب الخيـل ..~ اللقب/ لـقْب بـ الشظاْوُي ..~

المصدر: منتديات بنات لوز | bnatloz.com

---

hgahuvhpl]hgwhku

[Romantic girl]

ما على " قلب " الرسول إلا / البلاغ و إنت لك عندي ( رساله ) و كلمتين قلبي المرسل ؟ .. محاك من الدماغ طحت من عيني ! و طاحت دمعتين . ما أطوّلها عليك , بْلا صياغ - هي قصيره بس ! تجرح حبتين : يوم قلبي ذاب في حبك , و زاغ .. ليه قطَّعته بـ [ إيدك ] قطعتين ؟! : ما مسح لي دمعتي غير .. الشماغ ! . غلطتي ؟ / طيبي , و غدرك / غلطتين بيت صغته . . . وبيت " لا يمكن " يصاغ شي كتبته, وشي مكانه نقطتين (..) قلبك أستخسر عليه اليوم ساغ .... وعندي كلك ما تساوي – بيزتين آخر حروفي الصدر فيها بـ " آغ " و إنتهى عجز الصدر فيها بـ ( تين ) إللي فيني الحين ؟ ما جا من فراغ صدمه .. وحده .. تكفي / ما أبي صدمتين / ما عليك من الرسول , إلا البلاغ , [ صعب تلدغني بجحرك : مرتين

[Romantic girl]

النوم | ميّت عليك | و ماخذا ~ ديّه . و أحلامك ؟ , ليا " سهرتي " تكون ( ولهانه ) { وجهك } مثل – عيد و البسمات – عيديّه فديت ! نظرة " عيونك " و إنتِ / نعسانه أقول ( عاديه ) . لكن منتي : عاديّه !! ملآك , نازل عليّ . . في صورة , إنسانه بإسلوب راقي ، ومهارة قلب ، فرديّه دخلتي قصري .. وفتحتي .... كل : بيبانه ضلوع صدري [ سجن ] وإنتِ عنوديّه سرقتي قلبي ، غصب عن عين سجّانه ! الحُب .. لعبه ، مابين إثنين . . [ وديّه ] مهما خسرنا . . . ترى القلوب ربحانه ، كلمة أحبك ، لـ بعض الناس رديّه شخصٍ ، تعوّد عليها .. و عوّد لسانه لكنْهَا منّك ، تجي عفويّه / جديّه قولي : أحبك كثييييير .. وإنتِ سهرانه تعبانه !! من ليل ، ألوانه ( رماديّه ) ؟ لو يستحي الليل ؟ ماخلّاك . . . تعبانه نامي , , , وتشوفين أحلى أحلام ’ ورديّه النوم < سلطان > و إنتِ ؟ [ بنت سلطانه ]

[Romantic girl]

كل ليله في غيابك ( ألف عام ) وشاعرك من غبت ، ماعنده نظر صار فيني شي مو قادر أنام !! هذا هو [ الحب ] أو هذا [ سحر ] !! بين حيرة وشك وأشواق وملام تنقطع بسكات ! ـ لا حس وخبر !! ماحطبتك .. لين شفت الإهتمام ، ليش تتركني وحيد ... بْلا شجر !؟ رحت مثل الحلم لحظات المنام وجيت مثل " الموت " للّي يحتضر أفقدك : مثل الطفل وقت الفطام وأعشقك : عشق بدويٍ للـ مطر أذكرك : وأذكر تفاصيل الكلام وأسهرك : يمكن تمر / وما تمر ليش تسرق قلب في عز الظلام ؟ ليش تقتل شخص لك عنده قدر ؟ جيّتك .. مسك ( البدايه و الختام ) جيّتك .. عندي مثل : فكره بكر راضي لو مره تجي في كل عام كنّي طفل وشوفتك [ عيد الفطر ] لأني من شفتك أحس إنّي : تمام كنت صاحي وقلبي في حالة سكر كانت أجمل ليله كانت ( يااا سلااام ) ليله وحده بـ العمر تسوى العمر

[Romantic girl]

في عيوني , وش يساوي غيرك إنت ؟ ودّي آخر شي أشوفك . . و ( أنعمي ) ! أدري إن ضاقت عليك الدنيا خنت وآنا . . . . أخون الدنيا لك يا آدمي ! جيت عندي وبْـ حمى قلبي إستعنت ليه تطعني .؟؟ . . . . و فيني تحتمي ! حِسْ مَرَّه وحدَه في جَرحِي لاهنت إرمِي طَلقَه . . وحِسْ بـ اللي ينرمي كيف ترميني وعلى [ قلبي ] زبنت " البلا " . . لا صار ضدّي محزمي كنت قاسي وللأسف مايوم " لنت " أنتمي لك . . وإنت لي ما تنتمي ! كنت لي قبري وأنا فيك إندفنت جيت لك كلّي ورجع لي معظمي كنت لك واحد وكل الناس إنت كنت صوتي كنت شوفي ونْسمي أذكر إنيّ كنت بين إيدك وصنت وإذكر إنّك في جروحي " حاتمي " ! أدري إنّك في غيابي . . . ما حزنت و رغم هذا . . . تدري إنّك ملهمي كيف أضمن لك شعوري وماضمنت من كثر {دقِّك } - تفكّكْه لْـ حمي لك عقل يوزن [بلد ] بس ما وزنت الأمور . . . . , إللي تفوّر لي دمي ! في زوايا البيت وفي شعري سكنت وفي حضن " أفكاري " دايم ترتمي آهِ مِنْ قِيدِكْ . . . . وماهو قِيد كنت آهِ مِنّك , كِيدِكْ(أإدمي معصْمي)

[Romantic girl]

مثل ذيك السنه وأكثر أنادي والنِدى : ما يفيد بـ قلبي شوق لو حسّيت به .. يقلب موازينك أردّد " عيدك مبارك " عسى كل عام وإنت سعيد وقلبي يرتجي وصلك . . . يا غالي ، وفاقدٍ زينك حبيبي هالزمن يضحك ، على جرحي . وإنت بعيد . . وجيت من الشتات أسأل بعد جرح الزمن . . وينك ؟ أنا ما جا على بالي غيابك إنت بـ التحديد ، { عنادك } . . ليش ضيَّعني ؟ وقف ما بيني وبينك ! لك الله ، كل ما أضحك ألاحظ هـ الجروح تزيد ! تصدِّق [ ضحكتي ] صعبه علي , وسهله بـ إيدينك . . أقول إن الأمل : باكر ,, يجي بكره ، بجرح جديد ! ورغم كل السنين اللي مضت لي . . { تكرم سنينك } أنا ما جيت أبي منِّك , بعد جرحك . . تفك القيد : أبيك تحس في ( قلبٍ ) . . رفض ينساك ويدينك ! إذا يرضيك تستقبل بدوني . فرحتك بـ [ العيد ] ؟ شسوي بـ قلب متعوِّد يشوف العيد ، في عينك ! إذا عادي الزمن يضحك على جرحي وإنت بعيد ؟ على هذا البرود اللي تعيشه . . . ( الله يعينك ) ! دايم تفارقني قبل حزّة العيد . . وأقول صدفه يعني هالشي [ وارد ] ! توّي عرفت المسأله بكل تأكيد : ما يجتمِع عيدين في وقت واحد !

[Romantic girl]

قصتي قِصَه مُفيـده وقِلتْ : أكتبْهَا بسطور ويا عسى مِن كانْ يقرى مِنَّهَا .. ياخِذ عِبَر مغفره وذنوب , والساعه بلا تُوبَـه تدور السنه صَارتْ سَريعه حِيلْ , وأحْسِبْهَا شهر عِذتْ أنا مِنْ شَرْ خَناسٍ يوسْوسْ بالصدور وما بكيت إلا لوجــه اللــه في ليلة قدر تِختصر مَعنى حياتِكْ كيف تبني لِكْ قصور! أحْتِــــرم رايك .. وهذي تُعتبَــر ..... ( وجهَــة نظر ) ! زين طيِّب .. دام تِدري إنَّ لِكْ رَبٌ غفور ليه ما صَلِّيتْ لَجله وما رفعت إيدك شكر!؟ حَدِّث العاقِلْ بمَا يُعقَل ..وفي قلبٍ جَسُور وإنْ خطيت بحق غيرك روح قدِّم له عذر رافِقْ الشخص المِثالي اللَّي لو تخطي / يثور وإن سِمَعت إسْمَعْ مِنْ اللِّي تِلقى في صَمته " دُرر " وقبل تِسأل عَنْ حياتي وكِيف وجهي شَع نور خلْ كلامي لِكْ وصيَّه وخلْ بعد عِندكْ خبر ما نالْ في الدنيا أحَدْ يا سَائلي غير (الصبور) والدليل إنِّي صِبرتْ .. وكانت أيامــي تمر لا تقول: الحَلْ إنِّكْ تِلقَى لِكْ,عاشِقْ غَيور إنْ حَبِّتِكْ عِينه ترى .. ما حَبِّتِكْ ........ عِين الدهر !! مِثلِكْ أوَّلْ كان حَالي وضِيقتي ونفس الشعور كِنت أقول : شمعنى قلبي في مشاريعَه خسر ما دريت إنَّ الغِيابْ أحيَان أفضَلْ .. مِنْ حضور لِين شِفت " الشمس " تشرق بعد ما يغيب ( القمر ) وما دريت إنَّ التواضُع كنز / ومَكرُوه الغرور لِين شِفت إنَّ الغِنى .. في الآخِرَه مِثل الفقر !! كِنتْ غـافِلْ في حياتي وكِنتْ أجْهَلْهَا الأمور لِينْ ربِّي له هدَاني .. وصِرتْ أدَوِّر لِي أجر لا تقول: أعيش يُومي دامي في عمر الزهور منت ضامِنْ عُمركْ الباقي .. وقَطَّافْ الزهَر قبل لا تبدي الخطِيئه وتبْنِي لِذنوبك جسور خافْ مِنْ ربِّكْ وفكِّـر في وعَد يُوم الحشر مَهْمَا كِنت إنسَان " راقي " وتعشِق أنواع البخور التراب اللَّي يضمك بعد مُوتك ........ والقبر !! ياما قالوا الناس : خايف وقلت : ما فيني قصور بَسْ شِفتْ إنَّ الشَّجَاعَه مَعنى ثاني للخطر إيهـ خافْ وكُونْ سَالِم دام هالدنيا بحور ! والبحر مَهْمَا وفالِكْ طبعَـه ( غدار ) البحر وللشجر إن شفت هامه هذا مِنْ طيب الجذور يعني أعمالك جذورك هذي هـي بالمختصر القضيه: ما هِـي شخصٍ خالِفَـه شِرطي المرور البشر في الدنيا هذي . . . صَار , ياكِلْهَا بشر

[Romantic girl]

كـان لك قلبـي مديـنـه ولاحـظ إنـي قلـت : ((كـــان)) يعنـي إنـتَ الحيـن واحـد ((خـارج حــدود المـدينـه)) لـيه مستغـرب كـلامي وليــه أعطـيـك الأمــان وليه تَكْـذِب في كلامـك العـذر وينـك ووينـه ما ألـومك كان قلبـك ثـارت أمواجـه وخـان الخطــا منَّي لأني صرت فـي بحـرك سفينـه والسؤال اللَّي كتمته وما نِطَـق فيـه اللسـان كيف إيدك إطعنتني وآنا أحْسِبْهَـا أمينـه ..؟ جرحي ما يرضيه قلبك لو يجـي كلِّـه حنـان لو تبــوس الجرح فيني ولـو تقبلهـا إيدينـه يُوم أحبك قلت كلمه : ( يكرَم المرء أو يُهان ) وإنتَ قلبي ما كرمته وما قدرت إنِّـك تهينـه ( عزِّتـي ).. ما هي جديده آنا شامخ من زمان إغسل إيدك من رجوعي وروح يا إبن اللذينه طاب خاطر قلبي منِّك وهذي الفرقـى رهـان وحتَّى لو قلبي يحبـك ربِّـي بفراقـك يعينـه تدري لما قلت أحبك قلت وما عنـدي ضمـان وإختياري كان خاطىء تجربه بالحيـل شينـه كنت تخطي وكنت أسامح مرَّه مرتين وثمـان أدمح الزله عشانك وأكتـم أنفـاس الغبينـه كنت أحبك وكنت أعزك والغلا فينـي جبـان اخاف تزعل لو ألومك ضعت ما بينـك وبينـه في عيون الناس عادي بس في عيني جنـان وكان قلبي من يشوفك تفضحه نظـرة حنينـه ماني أوَّل من يحب ومنتَ آخر شخص خـان المحبه في زمانك بحـــرها من غيـر مينـه الفشل .. كان النتيجه وأعتقـد آن الأوان أبني مستقبل حياتي وأنسى قصتنـا الحزينـه وخطوتي الأولى غيابك وراح أطبقها عشـان يبكي قلبك لا فقدني والندم .. يملـي سنينـه جاي تسأل عن مكانك !! هو بقى فيني مكان ؟؟ الله يرحمها المشاعر اللي كانت لـك رهينـه قلت لك قلبي ( مدينـه )فيها لك حشمه وشان لكن إنتَ الحين أغرب شخص في هذي المدينه

[Romantic girl]

تصدق حيل أنا تعبان ولكن ما ابين لك . . ابيك تحس من كيفك . . أنا مابي المح لك . . . ترى المفروض تتكلم عن اللي فيني تسألني . . إذا انت إنسان ما تفهم . . شسوي فيك علمني . . . دخيلك حس بأحزاني اشوف بضيقتي فرحك . . تقول اضحك عشاني . . تبكيني وتبي اضحك . . . بديت اخاف أنا منك واحس انك سهل تنسى . . شاقول اكثر بعد عنك . . وانت من الصخر اقسى . . . ترى المفروض تتكلم عن اللي فيني تسألني . . إذا انت إنسان ما تفهم . . شسوي فيك علمني . . . طلبتك قول اي كلمه وحاول بس تهديني . . تجي صدمه ورى صدمه . . من الصدمات يكفيني . . . طبيعي اعتب وازعل اذا كل يوم تجرحني . . ياعمي روح ولاتسأل . . وابيك بخير تذكرني . . . أنا غصبن علي عايش غصب متحمل طعونك . . يجيني سهمك الطايش . . واضمه لخاطر عيونك . . . ترى المفروض تتكلم عن اللي فيني تسألني . . إذا انت إنسان ما تفهم . . شسوي فيك علمني . . .

[Romantic girl]

بعض الصـور للشـأإعر ..~ اخيـرآ خلصـت موضوع من مجهـودي للشاعر/ أحمد الصـأإنـ‘ع يـآرب يعجبكم